Bota e futbollit përjetoi një moment ankthi gjatë ditës së sotme për shkak se Christian Eriksen është rrëzuar papritur në mes të fushës duke humbur ndjenjat. Në minutën e 43, Eriksen u afrua për të marrë topin dhe papritur u rrëzua përtokë duke trembur të gjithë kolegët e tij. Sipas raportimeve futbollisti përjetoi një arrest kardiak, por fatmirësisht arriti të merrte në kohë ndihmën mejkësore dhe të shpëtonte.
Menjëherë pas këtij momenti UEFA njoftoi ndërprerjen e ndeshjes duke u shprehur se përballja do të shtyhet për shkak të një emergjence mjekësore. Eriksen u dërgua me shpejtësi pas 15 minutash në spitalin më të afërt.
Pas dërgimit në spital, mediat ndërkombëtare kanë dhënë lajme të mira për gjithë tifozët. Agjenti i futbollistit, Martin Schoots, ka deklaruar se Eriksen është në gjendje të mirë shëndetësore, merr frymë dhe se mund të flasë.
“Christian Eriksen është jashtë rrezikut për jetën, më tha babai i tij nga spitali. Ai është në gjendje të flasë”, ka thënë agjenti.
“Christian Eriksen is out of danger, his father told me from the hospital. He’s able to speak”. Martin Schoots, Eriksen agent, just added to NOS. 🙏🏻 #prayforEriksen
Official: Eriksen conditions are stable and the match restarts at 20.30 CET.
— Fabrizio Romano (@FabrizioRomano) June 12, 2021
Ndërkohë ndeshja mes Danimarkës dhe Finlandës nisi sërish mbrëmjen e sotme në orën 20:30 pas ndërprerjes për shkak të momentit kritik. Është mësuar se ishte vendimi i Eriksen që miqtë e tij të skuadrës të nisnin sërish lojën. Ai komunikoi me shokët e ekipit në kamera dhe ka kërkuar të rikthehen në fushë, sepse gjendja e tij është e qëndrueshme.
Christian Eriksen had a Facetime call with his teammates from the hospital and asked them to play the game tonight, as “he feels better now”, @sportstudio just reported. 🇩🇰❤️ #prayforEriksen
— Fabrizio Romano (@FabrizioRomano) June 12, 2021
