Aktorja Tanya Fear, e cila është e mirënjohur për rolin e saj në “Doctor Who” është gjetur nga policia.
Autoritetet në Los Angeles kanë thënë se aktorja ishte gjetur shëndoshë e mirë pasi 4 ditë më parë ishte zhdukur në mënyrë misterioze.
Nuk raportohet që të ketë dëme apo lëndime fizike por sapo është gjetur është dërguar në spitalin lokal për një kontroll rutinë.
Akoma nuk janë bërë publike arsyet apo shkaqet e zhdukjes së saj.
Më herët, thuhej se ajo u pa për herë të fundit në zonën e “Hollywood Bowl” të Los Angeles-it.
Miqtë e saj u bënë apel të gjithëve në mediat sociale në përpjekje për të gjetur aktoren.
“Mikesha jona Tanya është zhdukur. Ajo u pa për herë të fundit në zonën e LA më 9/9/21. Askush nuk e ka parë apo dëgjuar prej saj që atëherë. Publikoni foton e saj me hashtagun #FindTanyaFear për të ndihmuar në gjetjen e saj.”, tha një shok i saj.
Miku tha se ata biseduan për herë të fundit tetë ditë më parë kur diskutuan për projektet në punë.
Një përdorues i Twitter, i cili tha se ishte kushëriri i aktores, shkroi:
“Ju lutemi, ju lutemi ndajeni njoftimin. Kushërira ime mungon, ajo nuk ka familje në SHBA dhe ne të gjithë jemi vërtet të shqetësuar. “
Fatmirësisht aktorja është gjetur dhe është shëndoshë e mirë.
