Muajin e kaluar, një 26-vjeçar tregoi historinë e tij të suksesit në Reddit, pasi kishte humbur 30 kilogramë.
Xhefri Kendall publikoi fotot e para pas dobësimit dhe përdoruesit e rrjetit social janë çoroditur tërësisht nga transformimi.
Rasti i tij u bë aq i bujshëm saqë fotoja më e fundit e Kendall, po krahasohet me një princ të Disney-it.
Sigurisht që përveç kilogramëve të tepërt që nuk janë më, meritën për këtë kompliment e kanë flokët e tij të gjatë që ngjajnë me personazhin kryesor të filmit vizatimor “E bukura dhe Bisha”. Dallimi më i madh mes tyre është se transformimi i Kendall nuk ishte aq i thjeshtë sa ai i sozisë së tij të animuar.
Kendall jeton në Connecticut ku ndihmon nënën e tij e cila ka pësuar një dëmtim traumatik në tru në vitin 2015. Kendall është përballur me çështjet e vetëbesimit dhe depresionin, tha ai për “Best Life”.
Gjërat ndryshuan kur një shok i kërkoi Kendall që të bashkohej me të në palestër. Ata filluan të dobësohen dhe të bëjnë çdo ditë pompa, por Kendall gjithashtu filloi të ecë në mëngjes dhe të bënte joga. Rezultati është thjesht: Fantastik!
