Katër herë zemra e coptuar. Aksidenti që ndodhi në Velipojë pak javë më parë, e la 37-vjeçaren Evis Preka me plagë në zemër pasi humbi bashkëshortin dhe tre fëmijët e saj, dy vajzat 10 dhe 5 vjeçe dhe të birin 9-muajsh.
Pasi humbi të gjithë familjen në aksident, Evis Preka i ka vënë qëllim vetes t’ia dalë përballë kësaj dhembjeje. Ky mision i vështirë që ka marrë përsipër shihet në një postim të sajin në rrjetin social, ku një i afërm ngushëllon Evisin për humbjen.
Kjo e fundit ia kthen se bashkëshorti dhe fëmijët janë gjithçka dhe se do t’ia dalë faqebardhë për ta:
“O shpirti i motrës, ato janë jeta ime bashkë me Mondin siç e the dhe ti, janë fëmijë të lindur nga një dashuri që s’do të mbarojë kurrë sepse Visi vetëm një njeri deshi në jetë dhe ai ishte Mondi im sepse i imi ka qenë dhe do jetë gjithmonë. Pastaj më dhuroi tre bukuri të rralla që jo çdokush i ka prandaj unë si nënë dhe si grua do ia dal për ta faqebardhë gjithmonë të ndihen krenarë për mua, siç jam unë për zemrat e mia”, shkruan nëna në rrjetin social sipas “Panorama.al”.
