Kampioni i botës në Formula 1 Lewis Hamilton thotë se ai humbi 4 kg pas infektimit të tij me koronavirusit.
Hamilton mungoi në Çmimin e Madh të Bahrain, por u kthye me Mercedesin e tij për garën e fundit të kampionatit në Abu Dhabi duke përfunduar i treti Max Ferstappen të Red Bull dhe pilotit të Mercedes Valteri Botas.
Ai postoi një fotografi të tij në palestër në Instagram, disa orë pasi u shpall “Sportisti i vitit për 2020” nga BBC. Kampioni i botës shkruante se ndihet ende i dobët dhe po përpiqet të rikthehet sa më shpejt. Britanku zbuloi se ka humbur 6 kg në dy muajt e fundit, 4 prej të cilave kur u infektua me koronavirus.
“Kam humbur 6 kg gjatë dy muajve të fundit – katër prej të cilave kur pata Covid-19. Unë kam humbur shumë masë muskulore. Kështu, jam duke filluar nga një pikë e ulët në forcë tani, jo argëtim, por unë jam i vendosur për të marrë forcën time mbrapa dhe të jem 100% përsëri. Po filloj pa forcë, e cila nuk është shumë argëtuese, por jam i vendosur të rimarrë forcën time në 100%. Pa dhimbje s’ka fitore.”
Hamilton pati një 2020 të paharrueshëm në pistë, duke barazuar rekordin e Michael Schumacher të shtatë titujve botërorë me kampionatin e tij të katërt radhazi.
Ai gjithashtu tejkaloi edhe 91 fitore të Grand Prix të Schumacher.
Marrëveshja e tij me Mercedes përfundon në fund të vitit 2020 dhe bisedimet janë në një fazë të hershme për një rinovim. Javën e kaluar, shefi i ekipit Toto Wolff tha se nuk kishte asnjë nxitim për të finalizuar një kontratë të re dhe kjo mund të presë deri në vitin e ri.
