Hueyda El Saied ka njoftuar prej disa kohësh se është duke punuar për ekspozitën e saj të tetë me piktura.
Përveç profesionit të saj ajo ka treguar gjithmonë se piktura është pasioni i saj më i madh.
Ditën e djeshme Hueyda publikoi në Instagram-in e saj një foto ku tregonte se kishte pikturuar një balerinë shtatzënë dhe të gjithë menduan se ajo ishte diçka personale për të.
Meqenëse Hueyda më parë ka qenë balerinë, ndjekësit e saj dyshuan se ajo zgjodhi këtë mënyrë për të treguar se është në pritjen e ëmbël dhe urimet mbi foto ishin të shumta.
Por duket se kjo gjë nuk është e vërtetë dhe Hueyda i ka hedhur poshtë fjalët nëpërmjet një videoje të publikuar në Instastory.
“Piktura nuk ka lidhje me mua. Ish-balerinë jam, por nuk jam shtatzënë, se më kanë ardhur plot mesazhe urimi. Jo nuk jam shtatzënë, ishte thjesht një frymëzim i momentit”, ka treguar Hueyda.
Hueyda El Saied është nënë e një djali të quajtur Gabriel dhe momentalisht është shkëputur për të jetuar në Luxembourg.
