Dashi
Impulsiviteti do ju rrëzojë çdo gjë që e keni arritur me mund nëse nuk do kontrolloni dot nervat. Provokimet nuk do ju mungojnë ndaj mos nxirrni anën tuaj më të keqe. Neglizhencat në sferën sociale nuk janë pozitive, ndaj vlerësojini miqtë! Maturia është pika më e dobët dhe entuziazmi, çelësi i suksesit.
Demi
Demë, bëhuni praktikë!Çështjet e zemrës po marrin zgjidhje dhe përgjigjet pozitive janë në anën tuaj. Lajmet për ndryshime profesionale janë të hapura ndaj ju duhet t’i vlerësoni me përparësi. Dashuria është nën hije për shkak të një periudhe stresante që ju i keni shkaktuar vetë vetes tuaj. Puna është pika më e dobët, argëtimi është çelësi i suksesit.
Binjakët
Binjakë, kujdes nga tensionet në punë!Mos e ngarkoni veten me shqetësime te tepërta dhe shikoni përpara! Mundësitë janë efektive nëse do keni çdo hatërmbetje nën kontroll. Surprizat në dashuri nuk do mungojnë. Hiqni dorë nga impenjimet e tepërta dhe luajini bukur kartat e misterit. Pika e dobët është vullneti për angazhime të bukura profesionale dhe çelësi i suksesit; të qenurit të preferuar.
Gaforrja
Gaforre, arma juaj e fortë; ndjeshmëria po ju lë në baltë. Ju duhet të mbështeteni tek personaliteti i fortë e guximtar për të qenë si gjithmonë të parët. Uleni pak dozën e dramacitetit në dashuri e mos krijoni re të mjegullta rreth vetes. Energjitë duhen rivitalizuar, ndaj qëndroni më shumë në natyrë. Pika e dobët është ndonjë pendesë në dashuri dhe çelësi I suksesit është dëshira për të zgjedhur me shumë shije.
Luani
Luanë, energjia juaj planetare është e veçantë ndaj duhet të diferenconi veten nga situatat e rëndomta. Kurorat e dafinës ju rrinë bukur mbi kokë, por ju duhet të synoni të ecni gjithmonë para duke mos rënë pre e nostalgjisë. Programi personal për t’u zhvilluar në sferë tjetër ka shtuar bashkë më ambiciet edhe përgjegjësitë. Mos abuzoni me kohën që I takon vetes dhe familjes. Pika e dobët është mania për të zotëruar gjithçka dhe çelësi i suksesit; takimet me përsonat e duhur.
Virgjëresha
Virgjëresha pasionante, jo çdo anagzhim duhet të ketë lidhje me punën. Mësohuni të shijoni çastin kur dielli lind në horizont e kur përkulet përflakshëm në anën tjetër të harkut duke kaluar një tjetër fletë të jetës. E gjithë kjo e thënë shkurt; jetoni! Familja po I gëzohet fryteve të punës së përbashkët, ndërsa rrethi social është mësuar me nuancat e ngrohta e të sinqerta të sigurisë që i jepni fare natyrshëm. Pika e dobët është mungesa e vëmendjes ndaj kapaciteteve tuaja, dhe çelësi i suksesit; futja në një periudhë të re yjore.
Peshorja
Mundësi të reja në prespektivë për ju peshore elegante. Puna ju ka mësuar të humbni e të dini të ringriheni edhe më të suksesshëm. Vëzhgoni pa u ndikuar nga emocionet dhe mos bëni lëvizje të gabuara. Spontanë e me stof të ri afrojuni situatave që ju nxjerrin në sipërfaqe plot fitim. Pika e dobët është raporti me ish-partnerin dhe çelësi i suksesit; financat.
Akrepi
Akrepë, asgjë nuk është e jashtëzakonshme për ju që dini të studioni të tjerët që larg. Pushteti dhe aftësia për të qenë autoritarë dhe të frytshëm ju lë gjithmonë të thoni fjalën e fundit. Një ngacmim I vjetër I kujtimeve tani ju është bërë rutinë falë balancës tuaj emocionale. Asgjë nuk e fsheh dot entuziazmin tuaj kur jeni me shenja që ju përkon energjia në vibrime të larta pozitive. Pika e dobët është besnikëria e tepër dhe çelësi i suksesit; indiferenca.
Shigjetari
Shigjetarë, personat e shenjës së peshores jua njohin mirë zemrën dhe vetëm asaj dashurie nuk mund t’u ruheni. Kjo është pozitive kur në fakt ju vlerësoni vogëlsirat që ju heqin pikë. Profesionalisht keni ngecur në një moment kritik për shkak të imjenjimeve pa vlerë. Investoni tek familja dhe kujdesuni për ata që kanë nevojë për ju. Pika e dobët është mungesa e objektivitetit dhe çelësi i suksesit; familja.
Bricjapi
Bricjapë, plot sfida po vijnë drejt jush. Bëni durim në punë dhe shikoni përtej kufijve që i keni vënë vetë vetes tuaj. Në dashuri do ripërjetoni çaste romantike pas një periudhe të ftohtë mes jush. Prisheni rutinën që ju ka bërë dembelë e dëgjoni zërin e zemrës. Pika e dobët është hezitimi ndaj propozimeve për ndryshime rrënjësore dhe çelësi i suksesit; impenjimi pa kursim ndaj familjes.
Ujori
Ujorë, kujdes me forcën tuaj të personalitetit sepse kjo tremb shumë skeptikë e indiferentë ndaj zhvillimeve të mëdha. Në punë jeni gjithmonë personi ku trokasin të gjithë për t’ju hapur zemrën dhe në sferën emocionale jo pak herë ngjallni shumë xhelozi. Pika e dobët është loja e dyfishtë me durimin dhe çelësi i suksesit; udhëtimet.
Peshqit
Peshq, erdhi dita që ju të ndaloni së abuzuari me ata që ju duan e jua falin gabimet. Shërojeni zemrën tuaj të lënduar me dashuri e jo me hakmarrje. Ruajini fjalët e ashpra dhe uleni zërin edhe kur shikoni se përtej ka vetëm negativitet. Tregohuni peshq të vërtetë, të drejtë e të ëmbël. Pika e dobët sot është shpenzimi pa fre dhe çelësi i suksesit është aftësia juaj për ta kuptuar njeriun që doni pa folur.
