Dashi
Ndikimi i Hënës në shenjën tuaj do të bëjë që të jeni shumë të komunikueshëm dhe disponibël. Kjo pasi keni vendosmërinë për të arritur një objektiv të veçantë. Dashuria premton emocione të forta, veç bëni kujdes me fjalët.
Demi
Tregohuni të hapur në raport me bashkëpunëtorët tuaj dhe propozimet e tyre. Ndonëse mund të jeni shumë individualistë, duhet të sforcoheni për të menduar për të mirën e grupit. Rezultatet e mira janë fare pranë, ndaj mundohuni që të përqendroheni pak më shumë. Në dashuri ujërat paraqiten të qeta.
Binjakët
Do jeni mjaft të shqetësuar për shkak të disa çështjeve familjare të rrëmujshme dhe jo shumë të qarta. Kjo gjë do ju pengojë që të përqendroheni në aspekte të tjera të rëndësishme të jetës, po ashtu dhe në dashuri. Ruani qetësinë dhe me intuitën e duhur do arrini të zgjidhni këto pengesa të vogla.
Gaforrja
E diela do të jetë intriguese si për dashurinë edhe për miqësitë e reja. Mundohuni të përfitoni nga kjo ditë për të zbuluar anë të tjera të partnerit tuaj dhe të thelloni raportin. Me afrimin e javës së re, priten ndryshime të ndjeshme dhe mundësi të mira në punë.
Luani
Po merrni një rol shumë të rëndësishëm për punën tuaj, ndaj mundohuni të përfitoni sa më shumë nga kjo ditë e lirë për të programuar dhe organizuar angazhimet e javës deri në detajet më të vogla. Në mbrëmje mundohuni të tregoheni më të pranishëm dhe të afeksionuar pas partnerit.
Virgjëresha
Gjatë kësaj dite do të ndiheni nervoz dhe jo shumë në humor. Keni kaluar një javë të rrëmujshme dhe nuk e pëlqeni mungesën e rregullit. Gjithsesi, pikërisht kur më pak e prisni, një takim special mund të përmirësojë ndjeshëm humorin tuaj.
Peshorja
E diela parashikohet të jetë interesante për ta kaluar me familjen ose me personat që keni përzemër. Mos kini frikë të jeni vetja dhe as të shprehni sa më mirë ndjenjat tuaja. Ka disa çështje familjare të cilat duhet t’i zgjidhni, ndaj tregoni vëmendjen e duhur.
Akrepi
Do të jeni përgjithësisht pozitiv dhe të shoqërueshëm, ndoshta edhe për shkak të një përgjigje pozitive dhe një takimi special që ju ka shtuar lumturinë. Do të jetë një ditë shumë e mirë për të planifikuar aktivitetet tuaja të ardhshme, sidomos në dashuri.
Shigjetari
Kur është fjala për punën jeni gjithnjë të gatshëm dhe dinamik, por duhet të tentoni, të paktën të dielën, që të ngadalësoni ritmin dhe të merreni më shumë me njerëzit tuaja të dashur. Partneri/ja pretendon më shumë vëmendje dhe nga ana tjetër edhe ju keni dëshirë dhe do ju bëjë mirë të rrini bashkë.
Bricjapi
Kjo e diel ju gjen më produktiv se zakonisht dhe në fakt kjo është një ditë mjaft e favorshme për takime, marrëveshje dhe veprime financiare që i keni planifikuar prej kohësh. Megjithatë mundohuni që të mos lodheni shumë.
Ujori
Do të ndiheni përgjegjës për një projekt të ri dhe kjo gjë do ju bëjë mjaft nervoz dhe të tensionuar. Mos lejoni që t’iu dominojë ankthi dhe tregohuni gati për të vepruar. Të reja pozitive priten në dashuri, ku për disa çifte mund të merret një hap i madh për avancimin e lidhjes.
Peshqit
Do të kaloni një mbrëmje interesante në shoqërinë e miqve ose partnerit. Së fundmi keni qenë shumë të angazhuar me punë, por tashmë do të keni mundësinë që të rikuperoni. Bëni kujdes me marrëveshjet dhe me shpenzimet e papritura.
