Dashi (21 mars- 19 prill)
Të dish të zgjedhësh për më të mirën nuk është e lehtë, kur bëhet fjalë të mendoni si për mirëqenien tuaj, ashtu edhe për atë të të tjerëve. Njerëzit i besojnë instinktit tuaj dhe kjo ju pëlqen, por shtrohet pyetja nëse ju u zini besë.
Demi (20 prill- 19 maj)
Me Diellin dhe Mërkurin që ju favorizojnë do të përfundoni me sukses dhe pa lodhje çfarëdo projekti që ndërmerrni, edhe po të jetë i ndërlikuar. Do të keni një shkëmbim idesh konstruktiv me një koleg, që do të ndikojë ndjeshëm tek ju.
Binjakët (20 maj- 20 qershor)
Ndikimi i Jupiterit në disa raste mund t’ju ngrejë ndonjë kurth, duke ju shkaktuar disi stres. Do të keni vështirësi të vazhdoni rutinën. Do të ketë vonesa të mundshme në zbatimin e një projekti profesional, mos e jepni veten.
Gaforrja (21 qershor- 22 korrik)
Një ditë pa shumë bujë. Nëse mendoni se meritoni më shumë, nuk keni bërë llogaritë me ata me të cilët duhet të ndani meritat. Në fund do të dini si ta menaxhoni situatën, pasi nuk doni që të dilni keq.
Luani (23 korrik- 22 gusht)
Do të kuptoni që është më e udhës të ballafaqoheni me personin e zemrës, për të gjetur kështu solucione të dobishme. Me dialog do t’ia dilni të rregulloni gjithçka. Në punë jini të ndërgjegjshëm për gjithçka bëni, nëse nuk doni që ndonjë epror t’ju vihet nga pas.
Virgjëresha (23 gusht- 22 shtator)
Me Saturnin që ju buzëqesh, do të vini në pah nevojën për t’u përmbushur profesionalisht në mënyrë të vazhdueshme dhe të qëndrueshme. Urani është kundra, një pengesë mund t’ju shfaqet para rrugës suaj, por që keni mundësi ta kaloni.
Peshorja (23 shtator- 22 tetor)
Këshillohet të përballoni çështje të pazgjidhura në fushën e dashurisë. Duhet t’i shqyrtoni gjërat nga çdo këndvështrim, pa u fshehur pas iluzioneve. Nëse një epror ju kërkon të punoni përtej kompetencave, qëndroni të qetë dhe refuzoni.
Akrepi (23 tetor- 21 nentor)
Planetët këshillojnë një dozë shtesë përmbajtjeje, në mënyrë që të mbani për vete disa sekrete. T’u hapeni të tjerëve gjithandej nuk do të ishte gjë e zgjuar. Mund të konstatoni se besimi që keni tek disa persona të njohur së fundmi nuk ka qenë e arsyeshme.
Shigjetari (22 nentor- 21 dhjetor)
Do të prisni me frikë ardhjen e një mesazhi të rëndësishëm, që po ju mban nën tension. Hiqeni këtë mendim, nëse nuk doni që të zmadhoni ankthin. Ndoshta adresa ishte gabim, ose dërguesi e ka harruar fare. Por ju nuk i duroni dot pakujdesitë.
Bricjapi (22 dhjetor- 20 janar)
Fillimi i javës do jetë pak i ngadaltë, duke qenë se nuk dini si të menaxhoni disa çështje që ju dalin përpara. Rrezikoni të krijoni dyshime të pabazuara. Dëshironi të përmirësoheni, por në këtë moment duhet të mjaftoheni me rezultatet e arritura.
Ujori (21 janar- 19 shkurt)
Me Plutonin që ndikon, juve duhet të përmirësoni sjelljen e kohëve të fundit. Pyesni veten, nëse e dini si do të reagonte partneri. Mos u përzieni me gjëra që nuk ju takojnë dhe në lidhje me këtë bëni një sqarim.
Peshqit (20 shkurt- 20 mars)
Koha e mbarimit të punës është një bekim i vërtetë nga qielli, nëse filloni të ndiheni pak të lodhur dhe mezi prisni orën kur të mund të shijoni lirinë. Merreni në dorë kohën dhe hapësirën tuaj, pa e vrarë mendjen se kë keni në krah.
