Dashi
Një person shumë i afërt me ju, po përballet me disa vështirësi në punë dhe kjo e ka bërë të jetë në humor të keq. Ju duhet ta kuptoni dhe ti jepni mbështetjen tuaj. Nëse ka nevojë për ndihmë, mos ngurroni t’ia jepni. Edhe nëse nuk i ndjek këshillat tuaja, rëndësi ka fjala që ju i thoni.
Demi
Sot do fokusoheni tek dashuria dhe pasioni. Energjia e planetëve, ju bën më romantikë, kështu që shfrytëzojeni këtë energji në interesin tuaj. Nëse jeni në një marrëdhënie, mund të ndërmerrni një hap të rëndësishëm, gjë e cila do ju lidhë akoma dhe më shumë me njëri-tjetrin. Nëse jeni single, sot mund të ndryshojë situata.
Binjakët
Kohët e fundit jeni treguar të dashur me armiqtë tuaj duke vënë në zbatim shprehjen: Miqtë mbaji afër, por armiqtë akoma dhe më afër. Kjo është një mënyrë e mirë për ti patur nën vëzhgim dhe për të mos i lejuar të ndërhyjnë në çështjet tuaja. Megjithatë, mos harroni se kjo situatë është e përkohshme.
Gaforrja
Ndajini idetë tuaja me miqtë e ngushtë dhe mos u shqetësoni nëse nuk janë dakord me ju. Sido që të jetë situata, ata do ju mbështesin. Është e rëndësishme që të tregohen të sinqertë me ju, pasi kjo ju ndihmon të merrni vendimet e duhura. Mos i pengoni të tjerët që t’ju ndihmojnë.
Luani
Sot jeni vënë në qendër të vëmendjes dhe kjo është një ndjesi shumë e bukur. Persona të ndryshëm do kenë nevojë për këshillat tuaja dhe do ju jenë mirënjohës për ndihmën që do u jepni. Gjithashtu, më në fund do vlerësohen aftësitë tuaja artistike dhe ky do të jetë një fillim i mbarë për karrierën tuaj. Shijoni çdo moment të kësaj dite.
Virgjëresha
Duhet të përgatiteni për tu dhënë ndihmë, personave të cilët kanë më shumë nevojë për momentin. Ju keni aftësi të mira për të përballuar situatat e vështira dhe kjo është arsyeja pse të afërmit tuaj drejtohen tek ju fillimisht. Mirënjohja që merrni prej tyre, është ndjesia më e bukur për ju.
Peshorja
Nëse mendoni se ka ardhur koha të ndryshoni sjellje, atëherë duhet të merreni me mënyrën si i përjetoni situatat e ndryshme. Në vend që të vini në lëvizje të gjitha emocionet tuaja, filloni ti analizoni gjërat me logjikë. Kjo do ju ndihmojë të ndjeheni më mirë me veten tuaj dhe të largoni të gjithë energjinë negative.
Akrepi
Kur dikush vjen tek ju për ta ndihmuar me një problem të madh, ju keni dy mundësi: të bëni më të mirën tuaj për ti dhënë ndihmën e duhur, ose mund të mos përfshiheni në situatën e caktuar dhe thjesht ti uroni fat. Asnjëra prej këtyre mundësive nuk është e gabuar, por duhet ta vini veten në vendin e tij për të marrë vendimin e duhur.
Shigjetari
Ju keni një fuqi emocionale mbresëlënëse, kështu që përfitoni prej saj. Ka ardhur koha të sqaroheni me një person, me të cilin mund të kenë lindur keqkuptime. Duke folur rreth gjërave që ju shqetësojnë, keni mundësi të rizbuloni veten dhe t’i shihni gjërat nga një këndvështrim tjetër.
Bricjapi
Sot do të ndryshojë pak rutina juaj, por kjo nuk do ju pengojë aspak. Jeni shumë të fokusuar në atë që doni të arrini dhe nuk shpërqendroheni në asnjë moment. Besimi që keni në vete, ju ka ndihmuar të arrini lart. Pavarësisht ngarkesës në punë, arrini të gjeni kohë dhe për miqtë tuaj.
Ujori
Sot jeni të mbushur me kreativitet, kështu që shfrytëzojeni sa më shumë. Kjo do t’ju ndihmojë të gjeni zgjidhje të shpejta për situata të vështira dhe ta mbushni ditën me pozitivitet. Duke ndryshuar perspektivën rreth gjërave, ndryshoni dhe mënyrën si i përjetoni ngjarjet. Përpiquni ta bëni në mënyrën e duhur.
Peshqit
Ju duket sikur duhet ti dini të gjitha përgjigjet e pyetjeve që keni në kokë, por ndonjëherë është mirë të lesh diçka të pazbuluar. Misteri është ai që i jep jetës gjallëri dhe emocion. Nëse përpiqeni ta hiqni, nuk do ju ngelet gjë tjetër, veçse një realitet i mërzitshëm. Shijoni momentin.
