Pak ditë pasi presidenti amerikan Donald Trump lëshoi urdhrin ekzekutiv për ndalimin e refugjatëve nga shtatë vendet me shumicë myslimane, aktorë dhe regjisorë të njohur të Hollivudit kanë dalë kundër kësaj politike ekstreme.
Disa aktorë përfshirë këtu edhe Ashton Kutcher, Julia Louis-Dreyfus dhe aktorin e “Moonlight” Mahershala Ali, gjetën rastin gjatë fjalimit në ceremoninë vjetore të çmimeve SAG, për të folur dhe ndarë mendimet e tyre kundër ndalimit të emigracionit.
David Harbour doli në skenë me pjesën tjetër të kastit prej 16 personash, dhe bëri thirrje për të qenë të bashkuar.
Nata vijoi me të njëjtin ton mesazhesh, kur Ashton Kutcher doli në skenë për të dhënë vërejtjet e tij.
“Të gjithë ju që jeni në aeroportet që i përkasin Amerikës sime, jeni pjesë e fabrikës së cilës i përkasim dhe ne, ndaj ju mirëpresim”.
Shumë të famshëm të tjerë bënë komente në lidhje me ndalimin e refugjatëve, në profilet e tyre të rrjeteve sociale, si Kerry Washington, Julia Louis-Dreyfus etj.
Ndërsa aktorët Simon Helberg dhe Jocelyn Towne ndanë mendimet e tyre në lidhje me ndalimin e refugjatëve, në tapetin e kuq, me fjalët e shkruara “Lërini të hynë” dhe “Mirë se vini refugjatë”.
