Gjuha shqipe nga sot do të jetë zyrtare edhe në Maqedoni. Ishte vendimi historik i Parlamentit maqedonas me 69 vota pro dhe asnjë kundër apo abstenim, ai që vendos nga sot përdorimin e gjuhës shqipe në institucionet zyrtare.
“Miratimi nga parlamenti në Shkup i ligjit të gjuhës shqipe një arritje historike për shqiptarët që demokratizon e forcon vetë Maqedoninë”, shkroi kryeministri Edi Rama në “Facebook”.
Debati për ligjin e gjuhëve në Kuvend filloi më 5 shtator të vitit të kaluar në Komisionin për Çështje Evropiane, ndërsa shumica parlamentare e aprovoi nevojën për miratimin e tij më 15 nëntor të vitit të kaluar.
Për votimin kërkohej shumicë e thjeshtë me 61 vota, por për zyrtarizimin e shqipes votuan 69 deputete të Parlamentit maqedonas.
Ligji përmban 25 nene, dhe parashikon që në të gjitha organet e pushtetit qendror, institucionet qendrore ndërmarrjet publike, agjencitë, drejtoritë, organizata, komisione, persona juridik që kryejnë aktivitete publike sipas ligjit, gjuhë zyrtare përveç maqedonishtes të jetë edhe gjuha që e flasin 20% e qytetarëve të Maqedonisë, në mënyrë të caktuar me ligj.
