Një ekip i përbërë vetëm nga arbitre femra mori përgjegjësinë për një ndeshje futbolli për meshkuj në Pro League të Jordanisë për herë të parë, si pjesë e përpjekjeve të vendit për të promovuar lojën mes femrave. Ky moment historik shënon herën e parë që një ekip gjyqtarësh vetëm femra drejtoi një ndeshje futbolli për meshkuj në historinë e futbollit jordanez.
Gjyqtarja Esra’a Al-Mobideen dhe gjyqtarët ndihmëse Islam Al-Abadi, Sabreen Al-Abadi dhe Haneen Murad gjykuan fitoren 4-1 të Sahabit ndaj Al-Baqa’a në raundin e fundit të garës.
“Në fillim, lojtarët ishin duke buzëqeshur në tunel kur ne hymë për herë të parë sepse një vajzë po gjykonte dhe ata ishin të befasuar nga ideja. Por, sapo filloi loja, nuk pati shaka dhe të gjithë u bënë seriozë”, tha Al-Mobideen.
Shoqata e Futbollit të Jordanisë dëshiron që më shumë gra të përfshihen në këtë sport dhe Al-Mobideen tha se ishte e prirur të bënte një ndryshim.
“Të ketë ndikim në shoqëri është një ambicie e imja. Është e rëndësishme të kem një ndikim pozitiv në shoqërinë ku jetoj. Marrja pjesë në ligën profesionale do të japë një imazh të mirë të arbitreve femra. Unë mund të dërgoj një mesazh që gratë mund të punojnë në çdo fushë”, shtoi ajo.
