Sheynnis Palacios u kurorëzua Miss Universe 2023 natën e 18 nëntorit.Kjo është hera e parë në histori që Nikaragua fiton konkursin Miss Universe. Në fillim të gushtit, ekspertët e konkursit të bukurisë nga kombet e tjera nuk hezituan të theksojnë se ajo ishte një kandidate e fortë për të fituar, diçka që më në fund e arriti.
Në vendin e dytë ishte Miss Tajlanda Anntonia Porsild, e ndjekur nga Miss Australia Moraya Wilson.
Palacios, e cila tha se konsideron përulësinë dhe mirënjohjen për gjërat e vogla si cilësitë e saj kryesore, fitoi në mesin e 84 garuesve që morën pjesë gjatë një jave garash që përfshinin pozimin me rroba banje, fustane mbrëmjeje dhe fustane tradicionale.
Në përgjigjen e saj përfundimtare për jurinë, Palacios theksoi rëndësinë e pagës së barabartë pavarësisht gjinisë, në mënyrë që gratë të mund të “punojnë në çdo fushë”.
“Nuk ka kufi për gratë,” tha ajo.
Secili pjesëmarrës parakaloi në një skenë të ngritur në gjimnazin kombëtar Adolfo Pineda të sapo rinovuar, në kryeqytetin San Salvador.
Organizatorët e galasë, ku mori pjesë edhe presidenti i El Salvadorit, Nayib Bukele, njoftuan gjithashtu se edicioni i ardhshëm do të mbahet në Meksikë.
