29 vjet pasi këngëtarja Parashqevi Simaku këndoi këngën “E duam lumturinë” në festivalin e 27-të në RTSH, kompozitori i njohur Agim Doçi, ka rrëfyer historinë e pabesueshme pas fustanit rozë që i mahniti të gjitha femrat në atë kohë.
I ftuar në studion e “Pasdite në Top Channel”, ai tregoi sesi Simaku e kishte refuzuar ta interpretonte këngën , sepse nuk i pëlqeu orkestrimi, por më pas mbeti e kënaqur nga versioni i ri i punuar nga Gjergj Leka dhe pranoi me një kusht të vetëm.
“Unë vij, vetëm po më gjete tafta bojë rozë!”:- citoi Doçi , këngëtaren e famshme, duke sqaruar më tej se materiali në fjalë që ajo kërkonte për veshjen, gjendej vetëm në perdet e Komitetit Qendror.
“Dhe unë kam shkuar kam vjedhur perdet në Komitet Qendror dhe kam shkuar tek rrobaqepësja më e mirë e artistëve, Shpresa Zeraliu. Ajo sapo pa taftanë “i ra të fikët “sepse e dinte që kjo tafta vinte vetëm për Komitetin Qendror”, u shpreh Doçi.
Kompozitori rrëfeu për herë të parë publikisht, se kënga “E duam lumturinë”, është përkthyer nga Mira Meksi e Robert Shvarc dhe sot mbrohet nga UNESCO. Ndiqni videon minuta 17:00
