Pesë vjet më parë, Doechii, një artiste e re në atë kohë që po përpiqej të ndërtonte karrierën e saj, postoi një video në kanalin e saj personal në YouTube, në të cilën zbuloi se sapo ishte pushuar nga puna. Ajo foli sinqerisht për zhgënjimin dhe pasigurinë që po përjetonte, duke deklaruar në të njëjtën kohë vendosmërinë për të ndjekur pasionin e saj për muzikën. Dhe pikërisht këtë bëri.
Sot kjo video është bërë virale, teksa Doechii feston fitimin e Grammy. Interneti po e admiron përparimin e saj mbresëlënës, me përdoruesit që rishikojnë klipin duke komentuar se sa larg ka arritur.
Në një intervistë të fundit, ajo iu referua momentit kur pa se jeta e saj ndryshonte: “Të pushohesha nga puna më dukej një dështim në atë kohë, por ishte gjëja më e mirë që mund të më kishte ndodhur. Më detyroi të merrem me veten time dhe t’i përkushtohem plotësisht muzikës”.
Doechii fitoi Grammy-n e saj të parë në kategorinë e albumit më të mirë Rap për albumin e saj “Alligator Bites Never Heal”, duke vulosur ngritjen e saj në industrinë e muzikës. Në fjalën e saj, 26-vjeçarja ia kushtoi çmimin kujtdo që ndihet si i huaj , duke thënë: “Kjo është për ata që kanë dyshuar në veten e tyre. “Mos u ndal kurrë.”
