Megjithëse autoritetet ruse ishin zotuar se ushtarët nuk do t’i prekin qytetarët, fatkeqësisht e vërteta s’ka qenë kështu. Kjo foto ka rrëqethur botën ditët e fundit, ku shihet një baba që qan mbi trupin e mbulurar të të birit 16 vjeçar, i cili u vra bashkë me shokët e tij.
Serhii ishte duke luajtur futboll në rrugët e Mariupolit me dy miqtë e tij, në kohën kur rusët bombarduan shkollën e fëmijëve, duke lënë pas me dhjetëra viktima, njeri prej të cilëve ishte edhe 16-vjeçari.
Babai nuk e kishte menduar se kur Serhii i tha se do të luante futboll me shokët, do të ishte hera e fundit që do ta shihte duke marrë frymë. Hera e fundit në jetë që do ta shihte djalin e tij, që do t’ia merrte lufta.
Pamje të shumta prekëse janë shpërndarë nga lufta mes Rusisë dhe Ukrainës, ndërsa një video tjetër ju tregojmë më poshtë. Babai dhe i biri evakuuan familjen dhe u kthyen të merrnin edhe tre qentë e tyre për t’i shpëtuar. Mirëpo, fati nuk i deshi.
Rrugës, ata janë përballur me breshëri plumbash nga ushtarët rusë dhe babai është vrarë. I biri dëgjohet teksa thotë “babi të lutem mos vdis”. Nga plumbat kanë ngordhur edhe dy nga qentë e familjes.
