Një 22-vjeçare mundet që, jo vetëm që të ndryshonte jetën e saj, por edhe të familjes.
Saudita Marku është një nënë e një djali dhe jeton në fshati Kryezin. Ajo ia doli të ndryshonte jetën e saj dhe të bashkëshortit falë trajnimit nga UN Ëomen. E rritur në Pukë, Saudita ka punuar në bujtinën e familjes dhe e pati të vështirë t përshtatet me jetën në fshat.
Historia e saj është publikuar në revistën prestigjioze “Huffington Post”, në serinë e historive “Nga ku qëndroj”, si shembull frymëzimi dhe motivimi për të gjitha gratë e tjera, që të bëhen iniciatore të ndryshimeve në jetën e tyre, edhe nëse jetojnë në fshat.
“Që në moshën 8-vjeçare kam punuar në bujtinën e familjes time në qytetin e Pukës. Isha vajzë qyteti dhe kampione në ski. Disa vite më parë rashë në dashuri, u martova dhe u zhvendosa në një fshat të vogël në Kryezi, në veri të Shqipërisë. Jeta ime ndryshoi tërësisht!
Tani kam një djalë 2vjeçar dhe jetoj me bashkëshortin dhe vjehrrën. Dita ime fillon në 6 të mëngjesit. Përgatis drekën, bëj punët e shtëpisë dhe pastaj punoj në ara deri në 6 të pasdites. Duke qenë një vajzë qyteti, nuk jam mësuar me punën në fermë dhe mu duk fillimisht shumë e vështirë.
Por kjo ishte e vetmja mënyrë për të siguruar të ardhura në familjen e bashkëshortit dhe kuptova se duhet të gjeja mënyra të tjera për të mbështetur familjen. Tri vite më parë i hyra bletarisë. Kam 40 bletë dhe shes mjaltin e prodhuar në fshatin tim. Por sërish na duheshin më shumë të ardhura për të përballuar shpenzimet në fund të muajit. Duke shfrytëzuar eksperiencën e fituar nga puna në bujtinën e prindërve, ndërtova dy bujtina të vogla pranë shtëpisë time. Kohët e fundit, jam trajnuar nga Organizata për Gratë e Kombeve të Bashkuara, rreth mënyrës si të formalizoj biznesin tim, të aplikoj për stimuj financiarë dhe zhvillimin e marketingut dhe planet e biznesit.
Unë jam një udhëzuese e certifikuar turistike tani dhe pronare e një bujtine. Ka kaluar vetëm një vit, por 15 familje kanë qëndruar në bujtinën tonë gjatë verës, një pjesë e të cilëve është rikthyer sërish. Si rezultat kemi rritur të ardhurat e familjes. Do doja të zhvilloja aftësitë e mia në sipërmarrje, marketing dhe komunikim për të rritur biznesin dhe të përmirësoj shërbimet në bujtinën time.”
