Tema e virgjërisë në vendin tonë ka një ndjeshmëri të lartë, pasi është ende aktuale. Pavarësisht se ku jetojnë, ende ruhet me fanatizëm koncepti i virgjërisë së vajzave nga ana e meshkujve. Aq sa morali gjendet pikërisht tek virgjëria.
Por, kjo e fundit përbën përshtypje tek të huajt. Kështu, një vajzë shkodrane ka rrëfyer për “Shkodra News” historinë e saj në lidhje me bashkëshortin e saj italian.
Historia e saj:
Nuk jam e shëmtuar. As nuk jam prapanike. As nuk jam qepur. Por më kanë zhgënjyer edhe mua në dashuri. Jam 27 vjeçe sot. E kam qenë në një lidhje 3-vjeçare me një djalë po nga Shkodra. U ndamë, më la më saktë se nuk më priste më. Donte të konsumonin aktin, unë doja që ta ruaja për natën e parë të martesës. Jo se jam fanatike, por sepse besoj në shenjtërinë e familjes. As unë s’jam gabim, por as ai, e këtu mendoj se ndikon mënyra si jemi rritur e formuar të dy.
Qava shumë. Aq sa u dobësova dhe u arrita 48 kg. Pas disa muajsh një komshie imja më bën një fejesë me shkuesi me një të njohurin e saj italian. Alamet djali me e pa, e më thënë të drejtën kjo më shty ta njihja e të pranoja me dal me të. Dolëm, më ngjiti. Edhe ai u marros pas meje.
Vendosëm të fejoheshim. Normal ma kërkoi me xhentilesë të kaloja natën me të. Por kur refuzova duke i thënë “unë jam femra e një personi vetëm” nuk e zgjati më. Aty mendova se iku e s’do të kthehej më. Por jo, ne u fejuam, brenda 2 muajsh u martuam dhe isha e tija natën e parë të martesës.
Ai s’më kishte besuar. Kishte menduar se po them që jam e paprekur, sepse kështu ‘jeni ju shqiptaret’. “Unë prapë”, tha ai, “nuk e kisha problem nëse s’do ishe ndaj s’kam reaguar”. Ka qarë me dënese dhe aty më tha për herë të parë që më dashuronte deri në kockë dhe prej asaj nate ai çdo ditë më do më shumë e më shumë.
Sot jam në pritje të një fëmije dhe jemi shumë të lumtur. Nuk them që të gjitha vajzat duhet pritur sepse kjo të bën më të mirë. Por them që djemtë që të duan duhet të vënë personin para aktit.
