Çdo gjë filloi me një mesazh nga një numër i panjohur…
Kishim kohë që kishim humbur gjurmët e Balinës, megjithatë ajo është rikthyer në një intervistë shumë të këndshme, e ftuar në INtv. Prezantuesja bukuroshe ka rrëfyer për jetën e saj jashtë kamerave, ku ka ndarë edhe disa detaje ne lidhje me historinë e saj të dashurisë me gazetarin e njohur, Andi Bushati.
“Ishte çdo gjë rastësore” tregon Balina, e cila shton se ende edhe sot janë të habitur sesi rrodhën gjërat.
“Me Andin njihesha shumë vite përpara për shkak të profesioneve tona, por çdo gjë filloi në vitin 2008 ku më vjen një mesazh nga një numër i panjohur…”
Balina Bodinaku tregoi se ata janë njohur edhe më parë në rrethet mediatike, por ajo çfarë i bashkoi ishte një shaka nga ana e Andi Bushatit.
“Nuk ishte një shoqëri që u afrua me kalimin e viteve. Pastaj erdhi një rastësi që ende na çudit kur e kujtojmë, kur zbuluam se mund të rrinim bashkë, dhe që nga ajo ditë nuk u ndamë dot më.”i rrëfeu ajo Arjola Shehut.
“Nisi si një shaka, një tallje. Ishte vera e 2008ës. Më vjen një mesazh në telefon, ndërsa nxitoja për të hyrë në kinema, për të parë një film me shoqërinë. Shkruhej: ‘Ky është fustani që bleve sot?’. Nuk e njihja numrin dhe sigurisht nuk u përgjigja. Unë vërtet kisha hyrë në një dyqan, edhe pse nuk kisha blerë asgjë.”
“Të nesërmen, bie telefoni, ishte po ai numër. Sapo e hapa, më tha: “Ke apo s’ke gjak? Si nuk kthen një përgjigje mesazhit, apo të bëhesh kurioze se i kujt ishte numri…”
Balina e kishte kuptuar se bëhej fjalë për “Bushatin” siç e thërriste, dhe ndonëse ai i kish thënë se ishte thjesht një shaka, i kishte bërë përshtypje që ajo vërtet nuk i kishte kthyer asnjë përgjigje. Pasi kishin nisur të bisedonin, Balina i ishte betuar se një ditë do t’ia kthente shakanë.
Pasi kjo gjë u harrua, pas dy vitesh ajo vërtet ia ktheu. Pas një periudhe shkëputjeje nga televizioni Klan, Balina e kishte parë rastësisht Andin të ftuar në “Opinion”, dhe nuk e dinte që ai ishte kthyer në këtë emision. Kështu, mendoi t’ia kthente shakanë aty për aty.
“Marr telefonin e bankës, që nuk e kishte dhe ishkruaj: “Klani nuk të shkon, por duket shumë më mirë me ty.” Sepse doja që të kuriozohej aq sa u kuriozova unë. Nuk m’u përgjigj atë ditë”.
