“E dija që fustani duhet të kishte përshtypjen e “UAU”. Kështu u shpreh mashkulli që fshihet pas fustanit të mahnitshëm, që veshi modelja Kendall Jenner për festën e ditëlindjes së 21-vjetorit.
Jenner, e cila u shfaq fillimisht me një “bodysuit” me dizajn të lëkurës së krokodilit nga Julien Macdonald, bëri një ndryshim veshje më pas me mini-fustanin e shndritshëm, dizajnuar nga Antoine Salameh.
“Frymëzim ishte stili ikonë i Kendall i miksuar me një nostalgji të vjetër Hollivudiane”, tha Salameh.
Por cili ishte sekreti i shkëlqimit?
Fustani i realizuar nga shtëpia e modës “LaBourjoisie” ishte i mbuluar i gjithi me kristale “Swarovski”, me një vlerë prej 9.000 dollarësh. “Nuk peshon aspak dhe është shumë e lehtë për të lëvizur me të”, tha dizajnuesi Antoine Salameh. “Shikuam si referencë të 20-tat e Kendall dhe donim t’i jepnim një prekje më moderne… Ajo më dërgoi disa imazhe dhe aty nisi gjithçka”, shprehet ai për “People”.
Jenner shtoi efektin e fustanit me kristale “Swarovski”, me një kuletë tërheqëse Lucite, takat e thjeshta, thonjtë metalizato dhe varësen stil “choker”. “Doja që fustani të nxirrte në pah figurën e Kendall dhe gjithashtu të siguroja që të ndihej seksi dhe me vetëbesim, ndërsa e mbante veshur. Jam i sigurt që ishte një mbrëmje për mos t’u harruar”, tha themeluesi i “LaBourjoisie”.
Në fakt, ajo ishte me të vërtetë ylli shkëlqyes i mbrëmjes falë kristaleve “Swarovski” dhe dizajnit të fustanit.
Burimi: Vogue/ People
