Klea Huta dhe Elgit Doda janë një ndër çiftet më të dashur për publikun shqiptar, të cilët që prej bërjes publike të lidhjes së tyre, i kemi parë kudo në shoqërinë e njëri-tjetrit.
Në rrjete sociale nuk mungojnë herë pas here fotot e dedikimet e ëmbla dhe secili mbështet vazhdimisht partnerin në punën e tij.
Ditën e sotme, Klea na ka rrëfyer si rrallëherë për fillimet e lidhjes së tyre, duke treguar sesi e kishte bërë për vete Elgiti.
Moderatorja ka publikuar një video ku Elgiti shfaqet duke i rënë pianos dhe duket se muzika ka qenë rruga drejt zemrës së saj.
“Kur më pyesin: Po si ta mori zemrën?”- shkruan Klea krahas videos së partnerit, duke e lënë përgjigjen të kuptohet vetë.
Çifti po bashkëjeton prej kohësh, mirëpo ende nuk e kanë zbuluar për publikun se kur kanë vendosur të martohen.
