Ditën e sotme, qyteti i Elbasanit u trondit nga një aksident tragjik, ku humbën jetën 4 persona.
Ngjarja e rëndë ndodhi në aksin nacional Elbasan-Peqin, në fshatin Papër.
Mes viktimave ishte një vajzë rreth 25-vjeçare, ndërsa mbetën të plagosur disa të tjerë.
Sipas “tiranapost.al”, personat që humbën jetën në këtë aksident ishin të gjithë familjarë.
Viktimat janë identifikuar si Fatime Hoxha, Fatushe Agolli 64-vjeçe, Lume Hoxha 28 vjeçe, dhe Jonida Kotorri, 30 vjeçe.
Ato po ktheheshin nga varrimi i bashkëshortit të Fatimes, ndërsa kjo e fundit ka mbetur e vdekur në aksident.
Sipas hetimeve nga policia, makina e tyre ‘Seat’ humbi kontrollin për shkak të lagështirës dhe u godit nga një makinë tjetër që drejtohej nga Oltion Shehu. Më pas u godit nga një makinë e dytë.
Drejtuesi i mjetit të makinës së viktimave, Gëzim Kotorri, ka arritur t’i shpëtojë aksidentit të rëndë.
