Aktori i dashur Keanue Reeves, jo vetëm që është i lidhur me shumicën prej tyre, por secili ka rrugëtimin e tij interesant.
Më e afërta e tij në moshë, vetëm dy vjet diferencë, është Kim Reeves, me të cilën ai ka të njëjtën nënë, kostumografen Patricia Taylor dhe të njëjtin baba, Samuel Nowlin Reeves, me origjinë nga Hawaii.
Dy martesa të tjera pasuan për nënën e tyre, e dyta me producentin e muzikës Robert Miller, nga i cili Keanu ka një gjysmëmotër Karina Miller. Babai i tyre kishte një vajzë tjetër Emma Reeves, me të cilën, Keanu dhe Kim nuk kanë një marrëdhënie shumë të ngushtë.
Kim ka fermën e saj të kuajve në Los Anxheles dhe gjithashtu ka marrë pjesë në film, si skenariste dhe aktore në disa filma. Marrëdhënia e saj me Keanu është shumë e afërt, madje ajo e ka mirëpritur atë në shtëpinë e saj kur aktori nuk kishte ende një banesë të tijin dhe po kalonte momente të vështira.
Vetëm në gusht 2023 ata u panë duke pushuar së bashku në Capri, në një jaht. Ishte Kim që e frymëzoi atë, pas diagnozës së saj me leucemi, me të cilën ajo uftoi për rreth dhjetë vjet, për të krijuar një fondacion kundër kancerit. “Keanu më ndihmoi shumë kur isha e sëmurë, ” tha ajo në 1999 në një intervistë. “Kur dhimbja keqësohej, ai ulej me mua dhe më mbante dorën. Ai gjithmonë më ka mbështetur dhe ngushëlluar, edhe kur ishte larg ”.
Gjysmëmotra e tyre, Karina, ka kompaninë e saj të prodhimit të filmit, Sparkhouse Media. Në fakt, në një nga filmat e saj të vitit 2017, me titull “Bone”, vëllai i saj luajti përkrah Lily Collins. Shumë herë ata kanë kalua së bashku në tapetin e kuq.
“Ai është shumë mbështetës dhe mbrojtës në çdo gjë që bëj, ” ka thënë Karina për vëllain e saj, i cili gjithashtu ka treguar se sekreti i saj antistres është gatimi, të cilin ajo e do shumë: “Në punën time, përpiqem të menaxhoj rreth dy duzina njerëz që të bëjnë diçka krijuese që do të mbështesë vizionin e tyre. Ndërsa kur gatuaj jam vetëm unë, kam më shumë liri. Dhe më pëlqen të shtroj tryezën për të tjerët, kjo më relakson”.
