Camila Cabello ka folur edhe njëherë për betejat e saj në lidhje me shëndetin mendor dhe ka treguar se filimi “Hirushja”, në të cilin ajo ishte protagoniste, e ndihmoi shumë. Ajo zbuloi se e shkroi këngën hit të filmit “Million to One” gjatë një periudhe sfiduese në jetën e saj.
Duke folur për The Hollywood Reporter, së bashku me Kid Cudi, Anderson.Paak dhe vëllezërit Ron e Rasell Mael, Camila shpjegoi se si puna në filmin përrallor e ndihmoi atë të përballonte betejat e saj për shëndetin mendor.
“Unë nuk mendoj se di të shkruaj në ndonjë mënyrë që nuk është personale për mua. Kur po punoja në ‘Million to One” për Hirushen, për të qenë plotësisht e sinqertë, po kaloja një kohë vërtet të vështirë me shëndetin tim mendor”.
“Ishte vetëm një periudhë me shumë ankth dhe trishtim për mua, dhe ajo këngë më bëri të ndihesha se mund t’ia dilja. E dija që mund ta bëja jetën time më të mirë. Ndjehem sikur e kanalizova udhëtimin tim personal në atë të personazhit. Personazhi ishte super i sigurt – të gjithë i thoshin jo, por ajo e dinte”, tregoi Camilla.
Gjatë viteve, ish-anëtarja e “Fifth Harmony” ka qenë një libër i hapur për sfidat e saj të shëndetit mendor.
