Alban Ramosaj ka vetëm pak ditë që ka publikuar këngën e tij më të re “T’kom dasht”, një projekt mjaft ritmik që është pëlqyer nga të gjithë që me dëgjimin e parë.
Pjesë e klipit të këngës janë bërë disa vajza të njohura shqiptare, mes të cilave Aurela Hoxha në rol kryesor, dhe Oriola Marashi e cila këtë herë vjen jo vetëm si figurante në klip por edhe si zëri i dytë në refren.
Kënga është shpërndarë nga miqtë më të ngushtë të Albanit, mes të cilëve edhe bukuroshja, Niki Delijorgji.
23-vjeçarja u bë e njohur fillimisht si Miss Shqipëria, kurorën e të cilës e fitoi në moshën 15- vjeçare.
https://www.instagram.com/p/B2ZoKRQBPXD/
Modelja shqiptare ka realizuar një video ku shfaqet duke kërcyer nën ritmet e këngës “T’kom dasht”, e veshur me një këmishë nate të kuqe.
Albani ka reaguar menjëherë për këtë video në një koment ku pyetet se cila është vajza që ka dashur.
Ndërsa i bën tag Nikit, këngëtari bën edhe një deklaratë dashurie në sytë e të gjithëve: “T’du shum gruja jem!”
Si për ta përforcuar atë që shkruan Albani, Niki ka bërë dhe një reagim në profilin e saj!
Menjëherë pas kësaj kanë plasur komentet e fansave që shkruajnë se kemi të bëjmë me një dashuri të vërtetë!
Epo, kemi nevojë për ca sqarime nga Albani dhe Niki para se te dalim në konkluzione!
