Ajo ka treguar trupin e saj seksi përmes “veshjeve të rrezikshme” në skenë ose në tapetin e kuq gjatë karrierës së saj të shkëlqyer.
Por Rihanna zbuloi të premten se zgjedhja e saj e veshjeve diktohet shpesh nga luhatjet e peshës trupore, duke treguar se nga një javë në tjetrën mund të lëvizë me përmasat e veshjeve.
Trupi i saj i mbushur ka marrë komente shumë pozitive, por nga ana tjetër ka ngjallur dhe debat. Pse Rihanna komentohet pozitivisht për kilogramët e tepërt, e ndërsa nëse kjo shihet tek personazhet e tjerë apo edhe në përditshmëri, nuk ndodh e njëjta gjë? Përgjigja është një: ajo është thjesht Rihanna.
Gjatë intervistës për “The Cut” ajo zbuloi se trupi i saj është shumë i luhatshëm. Riri u shpreh se detyrohet të ndryshojë gardërobën shumë shpesh, kjo për shkak se një ditë mund të veshë rroba të ngushta pas trupit dhe t’i rrinë mirë dhe javës tjetër i duhet të veshë rroba të gjera.
“Po ta shikosh më gjerë, është e tipit: Cila është kjo javë? Java e shëndoshjes apo e dobësisë? Do nxjerrim këmbët dhe krahët këtë javë, apo do vishemi me të gjera?”, tregon ajo.
Rihanna gjithmonë është shprehur se ajo do të ishte femra më e lumtur në botë nëse nuk do të kishte celulit. Luhatja kaq e theksuar në peshë është një nga shkaktarët kryesorë të krijimit të celulitit dhe duket se 29-vjeçarja nuk do të shpëtojë kurrë nga ky problem.
Burimi: Daily Mail
