Kim Kardashian është e hapur ndaj idesë së një martese tjetër, pavarësisht se ka paraqitur tre herë kërkesën për divorc.
Në një promo paraprake të episodit të ardhshëm të Hulu “The Kardashians”, Kim u ul me nënën e saj Kris Jenner dhe tha se ishte e hapur për t’u martuar përsëri.
“Kjo është arsyeja pse, shpresoj, se do të ketë vetëm një dasmë tjetër për mua. Hera e katërt është qershia mbi tortë!” – ka thënë ajo.
Megjithatë, Kim nuk shprehu se me kë do donte të martohej edhe pse aktualisht është në lidhje me komedianin e SNL, Pete Davidson.
Kardashian dhe Davidson bënë debutimin e tyre në tapetin e kuq “White House Correspondents’ Dinner” në Washington D.C., më 30 prill.
Dyshja morën pjesë gjithashtu në Met Gala në New York City, ku Kim veshi fustanin “Happy Birthday” të Marilyn Monroe.
Kim gjithashtu zbuloi gjatë një interviste për Vogue se humbi 16 kilogramë për t’u përshtatur me fustanin 5 milionë dollarësh.
Kardashian – e cila u shpall ligjërisht beqare në mars – është aktualisht në mes të divorcit të saj të vazhdueshëm me Kanye West. Të dy kanë katër fëmijë: North, Saint, Chicago dhe Psalm.
Ylli i “Keeping Up With the Kardashians” ka qenë e martuar më parë me producentin muzikor Damon Thomas nga viti 2000 deri në 2004 dhe lojtarin e NBA-së Kris Humphries nga 2011 deri në 2013.
