Ditën e sotme, 9 fëmijë të një shkolle 9-vjeçare në Shupenzë të Bulqizës janë helmuar.
Pesë prej tyre janë transportuar me urgjencë në spital me dy autoambulanca.
Dyshohet se nxënësit janë helmuar nga aroma e detergjentëve, megjithatë ende nuk është konfirmuar se ky është shkaku i vërtetë i ngjarjes.
Siç raporton “Abc News”, spitali i Peshkopisë ka kërkuar nisjen e helikopterit nga Tirana për të marrë një nxënëse e cila nuk ka shenja përmirësimi.
Ajo do të dërgohet me urgjencë në Spitalin e Tiranës, ku do të marrë trajtimin e nevojshëm.
