Heidi Baci ishte konkurrentja shqiptare e “Grande Fratello”, që la garën në mes pas një vizite të të atit.
Ky i fundit e kritikoi për romancën që ajo po niste me një mashkull shumë më të madh se vetja, duke u shprehur se ai në fakt ishte edhe më i madh se babai i saj.
I ati i tregoi Heidit se gjendja shëndetësore e të ëmës ishte përkeqësuar dhe ajo s’e shihte më të bijën.
Në mes të natës, pa u përshëndetur me askënd, Heidi la garën në mes me justifikimin se familja e saj kishte nevojë për të. Së fundmi, ajo i ka dërguar edhe një letër konkurrentëve me arsyet e largimit, por në asnjë rresht s’ka përmendur Massimiliano-n.
I pyetur nga moderatori për faktin që nuk ishte përmendur, konkurrenti tha vetëm:
“Mendoj se është ende herët.”
Letra e Heidit:
“Pas daljes time të papritur është e nevojshme t’ju jap disa shpjegime. Në periudhën e fundit brenda shtëpisë kam shfaqur shenja hezitimi, jam tronditur dhe dyshoj dhe prindërit e mi kanë përjetuar disa nga peripecitë e ditëve të fundit me shqetësim, veçanërisht nëna ime.
Nuk mund të futem në detaje dhe t’ju jap më tepër informacion në këtë moment. Situata është ende delikate. Mund t’ju them vetëm se e kuptova gjestin e babait tim. Më vjen shumë keq që s’munda t’ju them lamtumirë, por në atë moment ishte e vetmja gjë e duhur për të bërë. Në jetë kam prioritete dhe familja ime kishte nevojë për mua.”
