Miliarderi Jeff Bezos dhe e fejuara e tij Lauren Sanchez i janë bashkuar presonazheve të njohur të cilët janë sensibilizuar duke ofruar shuma të mëdha parash për Hawaiin i cili është duke u përballur me një fatkeqësi natyrore si pasojë e vatrave të zjarrit.
Lauren Sanchez ka bërë një postim në Instagram, në të cilin thotë se së bashku do të ndajnë 100 milionë dollarë për zjarret në Hawaii dhe konkretisht, Maui County.
“Jeff dhe unë jemi të shkatërruar nga ajo që po ndodh në Maui. Ne po mendojmë për të gjitha familjet që kanë humbur kaq shumë dhe një komunitet që ka mbetur i shkatërruar. Nevojat imediate janë të rëndësishme, po ashtu edhe rindërtimi afatgjatë që do të duhet të bëhet”, shkruan ndër të tjera ajo.
Më pas Lauren shtoi se ajo dhe Bezos “po krijojnë ‘Maui Fund’ dhe po lënë mënjanë 100 milionë dollarë për të ndihmuar që Maui të rikthehet në këmbë tani dhe në vitet në vijim”, shkruhet në postimin në Instagram.
View this post on Instagram
