Javën e kaluar Linda Rei është tërhequr nga gara e “Dance With Me”.
Largimi nga spektakli ndodhi pas debatit, me Rudina Magjistarin e megjithatë, në media u shkrua se presion dhe emocionet, e tronditën Linda Rein, e cila më pas u detyrua të largohej nga “Dance With Me”.
Mirëpo në një prononcim për “Blitz”, Linda është shprehur se e vërteta e largimit është shumë ndryshe nga ajo çfarë është thënë.
“Këto fjalë dhe këtë mendim e kanë marrë ata vetë. E vërteta është që fajin e ka të gjithë Vera dhe Popi që nuk i japin rëndësinë e duhur personazheve, që kanë disa pretendime, ndoshta për produksionin kushtoja shumë për tu përballuar por në Itali që nuk jam VIP, jetoj shumë më mirë se sa jeta që bëja atje si VIP. Pa kushte për ndonjë kujdesje, edhe ujin që kushton shumë pak duhet ta blija nga xhepi im.
Nuk është asgjë sërish, por e kam të gjithën tek principi. Ishte e papranueshme të haja vetëm mish derri ose pule dhe sallatë çdo darkë me një buxhet 15 euro që kishin caktuar, nuk e kaloje dot. Nuk kërkova gjëra luksi por thjesht zonja Vera nuk ha çdo ditë për gati 4 muaj, tre gjëra dhe normalisht nuk jam ndjerë aspak mirë sepse unë në 5 javë në Shqipëri kam harxhuar 2500 euro nga vetja për të jetuar ashtu siç jam mësuar unë. Sakrificën si në kohën e komunizmit lidhur me ushqimin dhe jetesën nuk kisha pse ta përjetoja unë” , është shprehur Linda.
