Ditët e fundit, mediat rozë kanë qenë të tejmbushura nga lajmet mbi ndarjen e kantautorit Pirro Çako nga e dashura e tij Sisilja Ujka. Por duket se sot, vëmendja është përqendruar te djali i Pirros, Anthony, i cili po shijon një romancë me një vajzë bionde bukuroshe, që ka tërhequr vëmendjen e të gjithëve. Anthony Çako është djali 20-vjeçar nga martesa e Inva Mulës dhe Pirro Çakos. Pas divorcit të prindërve, ai vendosi të jetonte në Francë me nënën e tij, duke qenë se aty kishte shkollën dhe miqtë.
Ndërkohë që mediat diskutonin arsyen e ndarjes së Pirro Çakos, Anthony publikonte foto me të dashurën simpatike, Marie Gruwez. Ajo është një vajzë franceze shumë tërheqëse, me flokë biondë dhe vetulla të errëta që të kujton tipin e vajzave rebele e njëkohësisht sensuale.
Anthony Çako, djali i këngëtarëve shqiptarë, Pirro Çako dhe Inva Mula, ka një profil shumë interesant në Instagram, ku publikon foto me të motrën, shumë më të vogël sesa ai dhe të ëmën, sopranon shqiptare, e cila është bërë nënë pak kohë më parë.
