U përfol për shtatzëni, për një romancë me Bradley Cooper dhe tani Lady Gaga është në qendër të vëmendjes për një lidhje të re me një aktor shumë të njohur.
Një burim tha për “Us Weekly” se ajo po del me yllin e “Avengers” Jeremy Renner, kohët e fundit.
Burimi shtoi se nuk bëhet fjalë për një romancë të madhe, por dyshja po kalon shumë kohë bashkë dhe Lady Gaga është afruar edhe me vajzën e tij.
Lajmi vjen pak javë pasi këngëtarja njoftoi se është beqare.
Lady Gaga dhe Christian Carino i dhanë fund fejesës muajin e kaluar, gjë që bëri të lindin dyshimet se mes këngëtares dhe aktorit Bradley Cooper ka diçka më tepër se shoqërore.
Por ylli i muzikës tha në emisionin e Jimmy Kimmel, se thashethemet nuk janë të vërteta dhe se mediat sociale janë “tualeti i internetit”.
“Kjo ishte ajo që ne dëshironim të shikoje. Është një histori dashurie dhe ne punuam kaq shumë. E dija që ai e kishte vizionin sesi do të shkonin gjërat”, tha Gaga për filmin e ri me Cooper.
