Vera po vjen dhe që tani po mendojmë se çfarë mund të bëjmë në ato ditët e nxehta në kryeqytet. Për zgjidhjen e këtij problemi ka menduar prej kohësh Bashkia e Tiranës, pasi ka nisur punimet për rikonstrukturimit të Amfiteatrit të Liqenit.
Punimet janë drejt fundit dhe ky ambient do të kthehet në një teatër të hapur për qytetarët e Tiranës. I pajisur me një skenë dhe me një podium të hapur në natyrë, ky teatër do të bëhet qendra e koncerteve, festivaleve, konferencave apo kinemave verore.
Inaugurimi i teatrit do të bëhet në fillim të qershorit me rastin e festës së fëmijëve, ndërsa më datë 1 qershor, këngëtari grek Georgios Dalaras do të mbajë një koncert. Me siguri që pas Bllokut, teatri do të bëhet pika më e rëndësishme kulturore e argëtuese për qytetarët.
