Modelja Oriola Marashi dhe futbollisti Eros Grezda kanë bërë prej pak kohësh publike lidhjen e tyre të dashurisë dhe në rrjete sociale s’kanë munguar pozat e ëmbla.
Së fundmi, ata kanë nisur pushimet së bashku duke na e bërë zili të gjithëve, teksa shijojnë detin e rrezet e diellit në shoqërinë e njëri-tjetrit.
Ata kanë ndarë vazhdimisht në rrjete sociale poza nga pushimet, mirëpo foto e fundit e Erosit tërhoqi vëmendjen.
Kjo pasi në shkrimin e fotos, futbollisti harroi një detaj të rëndësishëm për të cilin ia tërhoqi vëmendjen Oriola.
“Vend fantastik për t’u relaksuar dhe për t’u stërvitur”-ishin fjalët e Erosit në postim.
“Dhe për t’u dashuruar”- shtoi modelja në foton e tij, duke ia bërë të gjithëve edhe njëherë të ditur se janë çift.
