Procesi i verifikimit të vota të ardhura nga Serbia, është ndërprerë për shkak të një incidenti.
26 zyrtarë nga Kosova kanë hasur probleme gjatë numërimit, pasi brenda në kuti ka pasur lëndë që u kanë shkaktuar alergji dhe kruajtje.
Vëzhguesi i organizatës GERMIN, Shpëtim Shujaku ka thënë për “Kosovapress” se 26 zyrtarët e KQZ-së, në momentin që kanë hapur votat kanë filluar të kenë skuqje në duar, kruajtje dhe disa shenja rreth syve.
“Në momentin që janë hap këto zarfe kanë pas një erë shumë të rënd dhe kanë kundërmuar dhe pastaj me vazhdimin e procesin kur janë hap , disa prej zyrtarëve të KQZ që kanë pas kontakt fizik me këto zarfe kanë filluar me pas reaksione, disa kanë pas skuqje në dorë, kruarje dhe disa shenja për rreth syve. Pastaj u marrë vendimi prej zyrtarit kryesor Besnik Buzhala që procesi me u suspendu për një kohë të pacaktuar, derisa të bëhet verifikimi pakove nga Forenzika”, ka thënë Shpëtimi.
Policia po heton për zbardhjen e ngjarjes.
