Evi Reçi njihet si vajza e ëmbël e ekraneve shqiptare, të cilën prej mëse një viti e kemi parë edhe në rolin e moderatores në emisionin “Vizioni i Pasdites”.
https://www.instagram.com/p/CAa1KEtHSYG/?igshid=1kbci869b8nwl
Ditën e sotme Evi ka qenë e ftuar në ‘Prive’ ku ka ndarë me ndjekësit disa nga sekretet e saj.
Ndër të tjera këngëtarja dhe moderatorja tregoi një histori të frikshme, kur kishte qenë vetëm 1 vjeç.
Ajo kishte humbur pasi ishte larguar nga shtëpia, por fatmirësisht prindërit e saj e kishin gjetur, në një oborr ku luhej muzikë.
“Ka qenë viti 1991, unë kam qenë vetëm 1 vjeç, kur humba nga prindërit e mi. Thjesht hapa derën e shtëpisë dhe ika, u drejtova në një destinacion të panjohur . Prindërit e mi nuk dinin ku të më kërkonin. Mamaja ime vetëm qante dhe në fund më gjetën në një oborr ku kishte muzikë dhe unë kërceja. Në fakt ka qenë një çmendur që ende sot e kujtoj.”
Ndër të tjera Evi tregoi se kur ka qenë e vogël është marrë disa kohë me modeling, dhe se nëse s’do ishte bërë gazetare do ishte bërë arkitekte.
Këngëtarja së fundmi ka shijuar suksesin e saj në “Netët e klipit shqiptar, ku ishte e nominuar në 5 kategori për këngën “Kur unë një gjë e dua”, si edhe fitoi çmimin “Imazhi më i mirë”.
