Duke qenë se jemi në muajin e Halloween-it, festat në Shtetet e Bashkuara të Amerikës fillojnë shumë herët.
Ndonëse në vendin tonë festohet vetëm mbrëmjen e 31 tetorit, festa ka nisur në SHBA prej ditësh tashmë.
Anxhelina Hadërgjonaj na ka treguar pak orë më parë, maskimin më të këndshëm që mund të bënte ndonjëherë.
Ajo dhe shoku i dhomës, Ariel, i njohur si grimieri i Kardashian, kishin veshur dy kostume ndërsa filmonin njëri-tjetrin duke kërcyer.
Arieli ishte frymëzuar nga vendlindja e Anxhelinës, Shqipëria dhe ishte shndërruar në një shqipe të vërtetë, ndërsa këngëtarja shqiptare kishte veshur një kostum njëbrirëshi.
Ndërkohë që jemi në pritje të projektit të ri muzikor të Anxhelinës, le të shijojmë videot dhe ju premtojmë që do të qeshni pamasë.
