Hailey Bieber ka rikthyer edhe një herë vëmendjen te eleganca minimaliste, duke u shfaqur me një look tërësisht në të zeza gjatë një darke në Los Angeles.
Modelja 29-vjeçare u paraqit me një stil të thjeshtë, por shumë të kuruar, që rikujtonte frymën e viteve ’90 dhe sidomos estetikën e Carolyn Bessette Kennedy. Ajo kishte zgjedhur një këmishë saten elegante, të kombinuar me një minifund minimalist, duke dëshmuar edhe një herë fuqinë e stilit “less is more”.
Aksesorët ishin të reduktuar në maksimum, por të zgjedhur me kujdes: një clutch klasik nga Gucci, syze ovale dhe sandale me taka të ulëta nga The Row. Edhe pamja e saj e bukurisë ndiqte të njëjtën linjë, flokët e mbledhur në një topuz të rregullt, lëkurë natyrale dhe makeup i lehtë.
Ndërkohë, ndikimi i viteve ’90 vazhdon të dominojë modën aktuale, një frymë që përforcohet edhe nga projekte si “Love Story”. Megjithatë, për Bieber kjo estetikë nuk është trend i ri, por një pjesë e identitetit të saj stilistik.
Së fundmi, ajo tërhoqi vëmendje edhe në after party-t e Oscars 2026, ku u shfaq me një fustan leopard nga Armani Privé. Fustani, i mbuluar me detaje me shkëlqim dhe me një siluetë klasike, solli një kombinim mes guximit dhe elegancës.
Nga daljet casual te tapeti i kuq, Hailey Bieber po dëshmon se stili i viteve ’90 mbetet një burim i pashtershëm frymëzimi, duke e rikthyer atë në qendër të modës moderne.
