Javën e kaluar, supermodelja e njohur Hailey Bieber, u shtrua në spital për shkak të një mpiksje gjaku në tru.
Megjithatë, Hailey duket se është duke u rikuperuar, pasi modelja dhe bashkëshorti i saj, Justin Bieber, janë parë në Soho House në West Hollywood të dielën.
Sipas “ET” dyshja ishte parë në një klub me tre miq të tyre.
Justin ishte duke shijuar disa petulla dhe manaferra, ndërsa Hailey, e cila kishte një kapele dhe një jelek me vija rozë e të bardhë, ndodhej në prehrin e Justin-it.
Kujtojmë se Hailey konfirmoi gjatë fundjavës se ajo ishte shtruar në spital.
“Fillova të kem simptoma si goditje në tru dhe u dërgova në spital”, shkroi Hailey në një postim në Instagram. “Ata zbuluan se kisha pësuar një mpiksje gjaku shumë të vogël në tru, gjë që shkaktoi një mungesë të vogël oksigjeni, por trupi im e kishte kaluar vetë dhe u shërova plotësisht brenda pak orësh”.
Sipas burimeve pranë saj, gjendja shëndetësore e Haileyt po ndikonte në një farë mënyre lëvizjen e saj.
Ata treguan se ajo i ishte nënshtruar testeve për të gjetur origjinën e sëmundjes së saj.
Mjekët ishin të shqetësuar se simptomat e saj mund të kishin lidhje me COVID-19, pasi burri i saj Justin kohët e fundit pati një periudhë infektimi me virusin.
Hailey e përshkroi përvojën si “padyshim një nga momentet më të frikshme që kam kaluar ndonjëherë”, duke falënderuar mjekët dhe infermierët e saj për ndihmën e tyre.
