Hailey Baldwin është në qendër të vëmendjes së mediave pas fejesës me Justin Bieber.
Modelja ka folur për herë të parë për atë që po ndodh në jetën e saj, në një intervistë për “Coveteur”.
“Epo, u fejova. Mendoj se ky është momenti më i madh dhe i pabesueshëm i vitit për mua, për jetën time”, tha 21-vjeçarja në intervistë.
Vajza e aktorit të njohur Stephen Baldwin u fejua gjatë verës me Justin, pak muaj pasi u lidhën. Hailey nuk dha hollësira më shumë mbi marrëdhënien e saj me Bieber.
Të hënën, xhaxhai i saj Alec Baldwin, dha lajmin bombë se çifti ishte martuar.
Dyshimet se dyshja mund të jetë martuar lindën pasi javën e kaluar ata u fotografuan duke hyrë në një zyrë martesash.
Sidoqoftë, çifti nuk do ta konsiderojë veten teknikisht të martuar derisa të ketë një ceremoni para Zotit.
