Xhensila Pere është një ndër ish-banoret e “Big Brother”, e cila ka ditur të tërheqë vëmendjen edhe pas daljes nga shtëpia më e madhe në Shqipëri. Ajo është një personazh i njohur i showbiz-it shqiptar që komentohet gjerësisht veçanërisht për jetën e saj private.
Së fundmi Xhensila ishte e ftuar në emisionin “Adrenalinë”, ku u bë pjesë e rubrikës “Koha për lojë”, ku i pranishëm ishte dhe gazetari Ermal Peçi. Ndërkohë që gazetarja e emisionit e pyeti Ermalin nëse është në një lidhje, ai tha se është beqar dhe me shaka shtoi se po mendon vërtetë për një nuse dhe fëmijë.
Pikërisht në këtë moment Xhensila i ka habitur të gjithë teksa ka ndërprerë intervistën dhe i është ulur në gjunjë moderatorit duke i propozuar për martesë. Një gjest që shkaktoi shumë të qeshura, ndërkohë që Ermali tha se Xhensila është një nuse ideale, pasi ajo është një nikoqire nga Pogradeci.
