Kourtney Kardashian ka marrë një vëmendje shumë të madhe së fundmi me komentin e saj gjatë “Lie Detector” për Vanity Fair. Gjatë një sfide, asaj iu shfaqën foto të tre sipërmarrësve të njohur dhe për Jeff Bezos, themeluesin dhe shefin ekzekutiv të Amazon.com, ajo tha se nuk e njeh.
“As nuk e di kush është ky”, theksoi ajo teksa qëndronte si e hutuar.
“Unë nuk i shikoj lajmet”, vijoi ajo më tej.
Mirëpo, kur Khloe i shpjegoi se kush ishte, Kourtney u shpreh se do të merrte këshilla biznesi nga Bezos.
Më herët, Kourtney u përfol për shtatzëni.
Më 17 shtator, ylli i Kardashians postoi në Instagram foto nga prapaskenat e saj nga seti fotografik për fushatën e fundit reklamuese për suplementet e saj të reja Lemme. Ajo u shfaq e veshur me një palë reçipeta nude pa rripa dhe të brendshme të ngjashme dhe në një foto ajo vendos dorën mbi stomakun e saj, gjë që nxiti dyshime se ajo mund të jetë më pritje të ëmbël.
“Prisni një minutë,” shkroi një person, “Mos humba lajmin se ajo është shtatzënë?” Kourtney u përgjigj: “Jo, por ‘humbe’ trupin e një gruaje”.
Kjo nuk është hera e parë që Kourtney, nënë e tre fëmijëve, i përgjigjet spekulimeve për shtatzëninë.
Spekulimet e përsëritura vijnë rreth një vit pasi Kourtney dhe Travis Barker filluan të përpiqeshin të kishin një fëmijë së bashku, disa muaj përpara se të martoheshin në maj.
