Ilir Shaqiri u shpall fituesi i “Big Brother VIP Albania”, duke u bërë kështu fituesi i çmimit të madh prej 100.000 eurosh.
Kjo shumë është bërë një temë diskutimi pas përfundimit të “Big Brother VIP”, pas disa aludimeve që balerini nuk e mori të gjithë shumën e parave.
Ndërkohë, mbrëmjen e sotme Iliri ishte i ftuar në emisionin “Open” nga Eni Vasili, ku fenomeni i “BB VIP” u trajtua nga një tjetër këndvështrim lidhur me arsyet e audiencës dhe shikueshmërisë së lartë.
Gjatë diskutimeve, ai zbuloi gjithashtu se gjysmën e fitimit të tij do ta çojë për bamirësi, ndërkohë që tha se këtë mendim e kishte pasur që para nisjes së kompeticionit, duke thënë se ishte një nga qëllimet e tij kryesore edhe përgjatë të gjithë rrugëtimit të tij 4-mujorsh brenda shtëpisë më të famshme e më të komentuar në Shqipëri.
“E pata deklaruar në formularin më 2 tetor që 50% do e çoja në bamirësi dhe pa e përcaktuar. Ky ishte mendimi im që më vlonte në kokë gjatë 4 muajve.
Kur mësova për fondacionin e Dritan Hoxhës, mendova se nuk do të kishte gjë më të bukur se të çoja për bursa studimi gratis. Ëndrra ime është që të jetoj në Shqipërinë time, jam shumë pranë Shqipërisë time.”- rrëfeu Iliri.
