Aktori i njohur i “Portokallisë” Rezart Veleshnja, i njohur në rolin e Betim Spërdhimës në spektaklin e humorit, është revoltuar me politikën shqiptare.
Përmes një statusi në “Facebook”, ai shkruan se nga të gjithë politikanët dëgjon të thuhet se e ardhmja është rinia, por sipas tij kjo nuk është e vërtetë.
“Kaluan dekada e sot pas 20 vjetësh nuk jam më adoleshent por një burrë i rritur e përsëri dëgjoj në fushata elektorale Saliun, Edin, Ilirin, Skënderin, Paskalin, Gramozin teksa më këndojnë të njëjtën këngë: Ju jeni e ardhmja! Ku dreqin është e ardhmja ime se unë u plaka e po vdes”, shkruan aktori.
Por një koment në status e ka ngacmuar Rezartin për të treguar rrogën e tij. Dikush i shkruan me humor se e ka zënë ngushtë kësti i kredisë ndaj ankohet, por Rezarti me ironi i është përgjigjur se paga e tij mujore është 3 milion e gjysmë dhe nuk ka nevojë për kredi.
