Oriola Marashi sfiloi dje për herë të dytë për markën Guess, këtë herë në Liqenin e Komos në Itali.
Sfilata e parë e Oriolës për markën e njohur ishte në Barcelonë muajin e kaluar.
Por duket se marka e drejtuar nga Paul Marciano nuk ka ndërmend ta lërë modelen shqiptare të largohet me kaq.
Oriola postoi sot video gjatë kohës kur bëhej gati për një shërbim fotografik për markën, duke u kthyer kështu në një prej imazheve që reklamojnë koleksionin e Guess për 2020-ën.
Ajo shkëlqeu dje gjatë sfilatës, duke parakaluar plot vetëbesim para të ftuarve në pasarelën e vendosur në qiell të hapur.
Oriola nuk është e vetmja shqiptare e zgjedhur nga Guess si imazh i markës.
Muajin e kaluar Kejvina Kthjella u shfaq në një shërbim fotografik me linjën e të brendshmeve Guess.
