Grupi i famshëm muzikor “Metallica” ka pozuar me flamurin shqiptar. Fotografia në fjalë është realizuar nga një djalë shqiptar, i cili jeton në Britani, aty ku dhe grupi po bën turin muzikor. .
Ervin Gjonaj, i cili në “Instagram” mban emrin e liderit të grupit, ka shfrytëzuar takimin me ta, për të shpalosur flamurin kombëtar, duke pozuar me ta.
Madje, flamurin e Shqipërisë ia kishte bërë dhuratë për ditëlindje Robert Trujillos, basistit të grupit.
Përveç flamurit, Gjonaj u ka dhuruar atyre edhe një fanellë të Kombëtares. Dhe në nderim, “Metallica” në koncertin e mbajtur në Londër të martën, kanë përshëndetur të gjithë fansat shqiptarë, pjesëmarrës në këtë koncert.
