Greta Koçi e priti ditëlindjen e 26-të me fishekzjarrë dje në mbrëmje.
Pasi ora shkoi fiks 00:00, qielli u ndriçua nga surpriza që miqtë e saj, bashkë me motrën Eni dhe të dashurin e saj Genc Prevlukaj, kishin përgatitur.
Gjithçka ishte menduar shumë mirë: fishekzjarret, torta, edhe “kameramanët” që ta ruanin gjatë këtë moment, por sigurisht për ta postuar më pas këtë video në rrjetet sociale. Dhe kështu ka bërë.
Greta publikoi videon e surprizës, ku duket tepër e emocionuar teksa fryn qirinjë e tortës.
“Surpriza në orën 00:00 nga miqtë e mi më të mirë dhe motra ime @enikociiii ?❤️?? Faleminderit që ma bëtë këtë ditëlindje edhe më të bukur”, shkruan Greta teksa publikon videon.
Një urim të përzemërt bëri edhe motra e saj: “Krahë për krahë apo me milje larg, motrat do të jenë gjithnjë të lidhura me zemër. Gëzuar ditëlindjen motër. Nuk mund të kërkojë për një motër më të mirë sesa ty! Gezuar Ditelindjen e shtrenjta ime !, shkruan Eni për motrën e saj.
