Historia dhe kultura nuk kanë çmim. Dhe Athina i thotë “Jo” parave që i ofroi “Gucci” për sfilatën e modës prej çerek ore në Akropoli. Kërkesa e shtëpisë italiane të modës i shkoi Komisionit Arkeologjik të Greqisë me një ofertë që ishte e vështirë për t’u refuzuar, nisur nga statusi i Akropolit: 2 milionë euro në restaurimin e tij në këmbim të një shfaqje 900 sekondash.
Ministria e Kulturës së Greqisë refuzoi kërkesën pasi Akropoli është pjesë e Trashëgimisë Botërore e mbrojtur nga UNESCO.
Ministri i Kulturës së Greqisë, e shpjegoi refuzimin e tij ndaj markës Gucci, me faktin se një pasuri e tillë kombëtare, nuk mund të përdoret për çështje komerciale.
“Vlera e Akropolit është e pakrahasueshme për një event të këtij lloji. Nuk kemi nevojë për publicitet”.
Më herët Akropoli ka lejuar në vitin 2008 këngëtaren Jennifer Lopez, për të realizuar një set fotografik. Ndërsa në vitin 2014 aty janë xhiruar skena nga filmi “The two faces of January”.
Burimi: La Repubblica
